Einspuren zum Erfolg

Ich danke Euch allen für das mir entgegengebrachte Vertrauen und wünsche gute Fahrt.

Sortieren: 2019 - 2018 - 2017 - 2016 - 2015 - 2014 - 2013 - 2012 - 2011 - Kommentare - Alle



     

20.03.2019

Danke vielviel mol nomol für d’Fahrstunde Jan. Du bisch immer geduldig und ruhig gsi und i ha mi vo Afang ah guet ufghobe gfühlt. Du hesch d’Stunde immer guet ufbaut und vorbereitet und i ha würklich noch jedere Fahrstund öpis Neus glernt gha oder besser chöne. Du bisch immer sehr zueverlässig gsi aber au locker und entspannt, wodurch i mi immer sehr sicher und wohl gfühlt ha. Du gibsch dir würklich Müeh, dini Schüeler so guet wie möglich uf d’Prüefig vorbereite und mer merkt, dass du echt Erfahrig do drin hesch. Dis Feedback am Schluss vode Fahrstunde isch au immer sehr nützlich gsi.
I tue di uf jede Fall wiiterempfehle! :) 

   

Dana T.

 
 

     

20.03.2019

Hey Jan

Ich möcht dir nomol vielmol für die lustige und lehrriche Fahrstunde danke. Du hesch mir viel gueti Tipps chöne mitgeh und de Unterricht immer so plant gsie, dass mer a mine Schwächene hend chöne schaffe. I bin ez mega froh dassi d Prüefig im Sack han und endli ellei ufd stross chan.

Ich wünsch dir alles gueti witerhin!
Grüessli Seraina  

   

Seraina G.

 
 

     

11.03.2019

Liebe Jan

I danke dir nomol vill mol für die super Fahrstunde. I freu mi riesig, dasi d’Prüefig bestande han und jetzt entli allei ufd Strosse dörf. Du bisch en sehr zueverlässige und gedulidge Fahrlehrer und hesch alles immer sehr verständlich erklärt. Neus hani immer gad direkt uf dä Strosse chöne usprobiere und umsetze. Au uf mini ville Froge hesch immer ä passendi Antwort gwüsst. D’Fahrstunde sind guet strukturiert und dini Rückmeldige sehr hilfriech. I cha di nur wiiterempfehle.

Liebi Grüessli
Larissa  

   

Larissa B.

 
 

     

06.03.2019

Hey Jan

I dank dir nomel für die Fahrstunde woni bi dir gha han. Du bisch immer ruhig und agnehm gsi und hesch au immer Geduld ufgwiese. Du hesch Wert druf gleit, dassmer erst richtig vorbereitet ad Prüefig goht, wa dezue gführt het dassi mi sicher gfühlt han ade Prüefig und drum au bestande han. Du bisch au immer mit Motivation und optimistisch id Fahrstunde cho! I cha di uf jede fall numme witerempfehle!

Liebe Grüess
Anna  

   

Anna S.

 
 

     

25.02.2019

Durch dini Geduldigi und Humorvolli Art hesch du mir s Autofahre lerne sehr liecht gmacht. Bi Unklarheite hesch du immer gad chöne e super Feedback geh. D Fahrstunde hend somit immer sehr viel Spass gmacht
Danke für alles :) 

   

Fabio A.

 
 

     

21.02.2019

Jan, i danke dir vielmol für die lehrriche Fahrstunde wo du mit viel Geduld und Humor dürezoge hesch. Dank dinre Zuverlässigkeit und de guete Erklärige bini miteme sichere Gfühl ad Prüefig und has eso au chöne umsetze.

I danke dir nomol vielmol für alles und werd di sicher wiiterempfehle, het mega Spass gmacht, i wär amel am liebste wiitergfahre :)  

   

Inès B.

 
 

     

19.02.2019

Jan, danke vielmol für dini Geduld, dini Zueverlässigkeit und dini ruhigi Art. Du häsch mer alles immer gründlich erklärt und mi motiviert, au wenn i mol en Durchhänger ka ha. Dank dir bini guet vorbereitet ad Prüefig gange und bi mer scho bim zruggfahre zu de Prüefigsstell ziemlich sicher gsi dasi au bestande ha. :)
I wör di uf jede Fall witerempfehle!
Danke nomol für alles. :) 

   

Kirsten E.

 
 

     

24.01.2019

Hallo Jan
Und Zwar han i mi nomol wölle bedanke für die Ziit wo ich bi der, bim lerne Autofahre, han chöne verbringe. Ich han dank dinere guete Vorbereitig gad ufs erste mol bestande und bin natürlich froh drüber. Ich han d'Flexibilität bi der sehr gschätzt und mer hend immer lehrrichi und gueti Fahrstunde gha.
Danke viel mol.
Mfg Cedric ;) 

   

Cedric E.

 
 

     

03.01.2019

Sali Jan

Danke vilmol für die agnehme, humorvolle und lehrriche Fahrstunde. Ich hans sehr gschätzt, dass Du Dich bi jedere Fahrstund voll uf mich konzentriert hesch und dass Du immer geduldig gsi bisch. Usserdem han ichs hilfrich gfunde, dass Du mir i jedere Fahrstund öppis neus bibrocht hesch und mir das au direkt agwendet hend. Du hesch mir immer alles verständlich erklärt und hesch immer es subers Feedback geh mit de guete Sache und de Sache wo ich no chöne han verbessere. Au alli mini Froge hesch mir immer beantwortet und mich perfekt fürd Prüefig vorbereitet. Somit bin ich schnell und mitemne guete Gfühl ah mis Ziel cho.

Es het mir mega Spass gmacht!

Liebi Grüess
Damian  

   

Damian H.